Airbus SE (birja simvolu: AIR) 48 yaşlı Qrasiya Vittadini Baş Texnologiya Direktoru (CTO) təyin etdi. Vittadini yeni vəzifəsində Airbus-ın Baş İcraçı Direktoru (CEO) Tom Endersə hesabat verəcək və 1 May 2018-ci il tarixindən etibarən şirkətin İcraiyyə Komitəsinə qoşulacaq.
Hazırda Qrasiya Vittadini Airbus Müdafiə və Kosmosda mühəndislik üzrə icraçı vitse-prezident vəzifəsində çalışır. O, ötən ilin sonunda şirkətdən ayrılan Paul Eremenkonun yerinə gəlir. Paul Eremenko getdikdən sonra Airbus-un Rəqəmsal Transformasiya üzrə Mütəxəssisi Mark Fonteyn həm də texniki direktor vəzifəsini icra edirdi.
“Grazia dərin mühəndislik və sənaye təcrübəsi ilə gəlir. O, əla komanda işçisi və çox ruhlandırıcı liderdir. Və o, Airbus-da ən beynəlxalq top-menecerlərdən biridir”, - deyə Airbus şirkətinin baş direktoru Tom Enders bildirib. “Mən əminəm ki, Grazia bizim biznes bölmələrimizi dəstəkləməkdə və gələcək uğurlarımız üçün lazım olan texnologiyaların hazırlanmasında böyük iş görəcək”.
İtaliya əsilli Qrasiya Vittadini 2017-ci ilin yanvarında Airbus Defence and Space-də hazırkı vəzifəsinə təyin edilib və o, eyni zamanda bölmə İcraiyyə Komitəsinin üzvü kimi fəaliyyət göstərir. Bu vəzifəni icra etməzdən əvvəl o, dünya üzrə bütün şirkət miqyaslı audit fəaliyyətlərinə cavabdeh olan Korporativ Audit və Məhkəmə Ekspertizasının rəhbəri idi.
Təhsili üzrə mühəndis olan, Politecnico di Milano Universitetində Aviasiya Mühəndisliyi üzrə Magistr dərəcəsi alan Qrasiya Vittadini 2002-ci ildə Airbus-a qoşuldu və tez bir zamanda rəhbərlik sıralarına yüksəldi. Digərləri arasında o, Bremendə A380 üçün Qanad Yüksək Qaldırıcı Cihazlar üzrə Baş Mühəndis, habelə Hamburqdan kənarda yerləşən bütün Airbus təyyarələri üçün Gövdə Dizaynı və Texniki İdarənin rəhbəri vəzifələrində çalışıb.
